Month: December 2024

புண்ணியம் செய்தேன் பாதகமலம் பணிய! புதையலாய் கிடைத்த புராதான தெய்வமே!புட்கரிணி யில்ஆறு மகனாகப் பிறந்தவனே! புலமை கொடுக்க ஒரு முகமாய் அருள்வாய்.

மயில் வாகனத்தில் அமர்ந்து வருபவனே! மயிலையில் துணையுடன் காட்சி தருபவனே! மகவாய் கார்த்திகை கரங்களில் தவழ்ந்தவனே!மருந்தாய் மூலிகையில் இருப்பவனே அருள்வாய்.

ஆறுபடை வீட்டில் எழுந்தருளும் ஆறுமுகனே! ஆரியக்கூத்து ஆடி ஆருடம் சொன்னவனே! ஆரவர் நடுங்கச் செய்த செந்திலாண்டவனே! ஆண்டியே! ஆதரவு தந்து அருள்வாய்.

கருணையே வடிவான கார்த்திகை மைந்தனே! கருவியாய் இயக்கும் மூலமே முருகனே! கனிந்த பார்வையால் காரியம் செய்பவனே! கந்தா குகனே கற்கண்டே அருள்வாய்.

கருணையே வடிவான கார்த்திகை மைந்தனே! கருவியாய் இயக்கும் மூலமே முருகனே! கனிந்த பார்வையால் காரியம் செய்பவனே! கந்தா குகனே கற்கண்டே அருள்வாய்.

அகரத்தில் அமர்ந்த அன்பில் சிறந்தவனே! அகம் மகிழும் தமிழைத் தந்தவனே! அலங்காரம் செய்ய அணிநூலாய் வந்து நீ! அரவிந்தம் மலரிலே எழுந்து அருள்வாய்.

தனித்து நின்ற தண்டபாணி தெய்வமே! தரணி போற்றும் தரம் பெற்ற தனிகாசலா! தமிழ் கடவுளாய் தராதரமின்றி தரிசனம் தருபவனே! தவத்திரு அடியவருக்கு அடியவனே அருள்வாய்.

பழத்திற்காக தனித்துச் சென்ற பழனியாண்டவா! பவம் அருக்க பரித்தியாகம் செய்தவனே! பரிபாகம் எனக்குத் தந்த சுப்பிரமணியா! பரிவு கொண்டு பாஇயற்ற அருள்வாய்.

குறிஞ்சி மலையில் பூத்த குறிஞ்சிக் கிழவனே!குரங்குகள் குறும்புகள் செய்யும் நிலத் தலைவனே! குமரா குண்டலினி கை கூட வரம் தந்தவனே! குருவே! குகனே! சரவணனே! அருள்வாய்.

குருவே சரணம் சரவணப் பொய்கையில் முக்கண்ணனால் பிறந்தவனே சரணாகதி அடைந்தேன் சர்வம் சமர்ப்பணம் சந்தன அலங்கார விபூதி அலங்காரசண்முகனே சந்தானம் வழிபட அருள்வாய்.