ஹைக்கூ கவிதைகள்     ஆலமரம்

41- விண்ணும், மண்ணும் பார்த்து

காலை பிராத்தனை

மைனாக்களின் சபையில்


42-  வானப்பட்டில் தவழ்ந்தது

மின்னும் வெள்ளிகளுடன்

நிலா.


43- ஓவியம் பேசியது

சிற்பம் பேசியது

மௌனத்தில்.


44- அதிகம் கேள்

குறைவாய் பேசு

வெற்றி வழி.


45- சோதனை வாழ்க்கையில்

அடி அல்ல….!

உயர்த்தும் படி.  


46- செல்ல  அமுது பாப்பா

பாலும் சோறும் தின்னும்

பாசமுள்ள கிளி.


47- கண்ணியம் காலத்தின் சின்னம்

கடமை அதன் மூச்சு

வியர்வை அதன் விளைச்சல்.


48- தோல்வியில் முயற்சி

அறுபட அறுபட பின்னியது

சிலந்தி.


49- சோதனை என்பது

சோர்வடைய அல்ல

உறுதியாக்க.


50- மண்ணாய் மிதித்தாலும்

பொன்னாய் மதித்தாலும்

சமமாய் ஏற்பவன் பெண்.